Sharp entra nel negociu de la iluminación

Sharp anunció'l llunes que va entrar nel mercáu del llume con bombilles d'aforru d'enerxía basada na tecnoloxía de diodos emisores de lluz, nun esfuerciu por establecer una nueva pilastra de ganancies que sumar a los sos negocios de pantalles pandes y célules d'enerxía solar.

Les instalaciones de diodos emisores de lluz (LED), que peracaben menos enerxía y duren más que les bombilles incandescentes y les fluorescentes, tán consideraes como la próxima xeneración de sistemes de llume, conforme aumenten los costos de la enerxía y l'esmolición poles emisiones de gases d'efectu invernaderu.

Sicasí, son muncho más cares que les bombilles utilizaes anguaño, y Sharp va tener qu'enfrentase a una fuerte competencia de marques establecíes como Philips Electronics y Toshiba.

Los precios de les nueves bombilles de LED de Sharp, que van salir a la vienta'l 1 de setiembre en Xapón, van bazcuyar ente los 44.100 y los 199.500 yenes (ente 263 y 1.190 euros).

Los detalles de llanzamientu nel restu del mundu entá tán por decidir, y l'empresa tornó faer comentarios sobro oxetivos de vientes o cuota de mercáu.

Sicasí, el conseyeru delegáu de Sharp, Kazutaka Ihori, indicó que s'espera que'l mercáu xaponés de llume algame'l billón de yenes pa 2012, y qu'aquel día los LED supongan el 30 por cientu del total de vientes.

Fonte: Noticiascadadia