Medra la demanda de netbooks de baxu costu qu'incorporen GNU/Linux

"L'aumentu de la demanda de netbooks, dispositivos informáticos de baxu costu diseñaos pa ufiertar conectividá continua a Internet, ta impulsando'l mercáu GNU/Linux", según el máximu responsable d'estratexa y tecnoloxía de Novell pal sistema operativu de códigu abiertu, Nat Friedman.

"Los usuarios xeneralmente nun s'esmolecen pol sistema operativu de los sos netbooks, cuidao que nun los merquen pa correr una suite d'aplicaciones como MS Office, sinón pa utilizar la web con un navegador”, asegura Friedman, el que afirma que "Novell atópase en negociaciones con Lenovo y HP de mano a ufiertar la so distribución GNU/Linux sobro los netbooks d'estos fabricantes".

El sistema operativu SUSE Linux de Novell distribúyese yá precargáu colos portátiles de distintos fabricantes, incluyíos HP y Lenovo, pero, d'acordies con Friedman, "van ser los netbooks los que dean un impulsu definitivu a GNU/Linux nel mundu móvil". Ello ye que según esti executivu, "la mayoría de los netbooks van utilizar GNU/Linux, tantu pa caltener el so costu como porque la mayoría d'ellos nun supera los 2 GB d'almacenamientu flash, una capacidá pa la que GNU/Linux representa una de les alternatives más indicada.

Fonte: Open Source World Conference