FON llega a les Estaciones de Cercaníes de Madrid
La xente que tenga que coyer el Cercaníes de Madrid ta de norabona porque les sos esperes van ser muncho más placenteres gracies a los nuevos puntos d'accesu WiFi de FON nes estaciones de Cercaníes madrilanes.
A día de güei, les persones usuaries de delles de les estaciones de Cercaníes más relevantes de Madrid yá pueden conectase a los FON Spots d'estaciones como Las Rozas, Torrelodones, Alcobendas, Guadalajara, La Serna, Santa Eugenia y Delicias.
Estes estaciones, que los sos cafés son xestionaos baxo les marques VIA VIA y COFFEE'S pertenecientes a les empreses Klin Ingeniería SL y Mirasierra SA busquen ufiertar al usuariu'l nivel máximu de tecnoloxía y facilidá d'accesu a Internet, en sintonía cola política de RENFE de buscar el mayor prestu y calidá nel serviciu a los/es sos veceros/es.
Esti alcuerdu va dexar que les esperes y tresbordos nestes estaciones ferroviaries de Cercaníes sían más llevaderes y entreteníes d'equí p'arriba. Tolos foneros qu'utilicen los trenes de Cercaníes van poder conectase de baldre a estos FON Spots y asina amenizar la espera, revisando'l mail o navegando per Internet.
El proyectu contempla amás la estensión de los puntos de conexón a les estaciones de Colmenar Viejo, Majadahonda o Parla hasta completar más de 20 establecimientos onde podrán conectase portátiles o otros dispositivos con accesu a Internet wireless.
Fonte: FON
