Twitxr: Una imaxe val más que mil palabres

Somos munchos yá los que compartimos online y en tiempu real lo que tamos faciendo nun momentu determináu, el nuesu estáu d'ánimu, les nueses idees, opiniones... Si Twitter foi un fenómenu na rede que creció rápido, fai yá un tiempu que FON Labs diseñó Twitxr digamos que como complementu pa Twitter.

Twitxr pon énfasis nes imaxes; pa los que nun táis familiarizaos con estes maravioses ferramientes, podemos definir a Twitxr, como un serviciu que dexa al usuariu compartir el so status ya imaxes de forma xeolocalizada dende un dispositivu móvil. Imaxínate que nes tos vacaciones tas caminando pela cai y atópeste de frente con una puesta de sol de película que te prestaría compartir colos tos collacios… con Twitxr puedes faelo de manera instantánea: Saca'l to móvil, fai una semeya y postéala en Twitxr. De manera inmediata vas tenela en Flickr, en Facebook y de xacíu, en Twitter. Cenciellu y rápidu ¡y amás xeolocalizao!

¿Qué más se-y puede pidir?

Nun pidas añedir el to usuariu de Twitxr al to blogue, porque eso tamién yá lo consiguieron. Lo último de Twitxr ye una aplicación pal famosu iPhone d'Apple, que yá la puedes atopar na so AppStore.

Fonte: FON