El cantante italianu Biagio Antonacci convida a escoyer n'Internet los temes del so álbum

El cantante italianu Biagio Antonacci llanzó'l martes un sitio web nuevu nel que convida al públicu a que vote pa escoyer los cantares que va incluyir nel so próximu discu, que va salir na seronda.

Amás de tener un espaciu d'imaxes y vídeos nel cual va ilustrar les etapes d'ellaboración del discu, el sitiu www.ilcielohaunaportasola.it, que tien el mesmu títulu del nuevu álbum, va dar la posibilidá a los usuarios d'escoyer la llista de cantares que quedríen que sían incluyíes.

"Biagio Antonacci decidió implicar a tol so públicu", lléese nun comunicáu espublizáu pol so voceru. "Los usuarios van poder contribuyir escoyendo los temes que van apaecer na llista final del álbum".

Más allá de dellos cantares inéditos, el discu va ser un recopilatoriu de vieyos ésitos.

Los siguidores de Antonacci, poro, van poder votar los sos cantares preferíos por que'l cantante les reinterprete ya inclúyales nel so discu.

Nun ta entá afitada una fecha esacta pal llanzamientu del álbum, anque va tar "disponible pa seronda", según el voceru del cantante.

Dende setiembre va ser posible escuchar cachos de los cantares inéditos y ver trailers de los videoclips oficiales, según la nota.

Coles mesmes, gracies a una tecnoloxía que dexa conexones en directu vía webcam con un vastu númberu d'usuarios, los siguidores de Antonacci van poder tamién ver en tiempu real el trabayu del músicu nel estudiu de grabación.

Fontes: Axencies, Noticiascadadia