Puesta en marcha d'un centru nuevu CENATIC n'Almendralejo (Extremadura)
La construcción de la futura see del Centru Nacional de Referencia d'Aplicación de les Tecnoloxíes de la Información y Comunicación, CENATIC, basaes en software de fontes abiertes na localidá estremeña d'Almendralejo, dio empiezu col actu d'allugamientu de la primer piedra del edificiu, al qu'asistieron, ente otres autoridaes, Guillermo Fernández Vara, presidente de la Xunta d'Extremadura, y Dolores Gómez Aguilar, vicepresidenta segunda y conseyera d'Economía, Comerciu ya Innovación.
La Xunta d'Extremadura, coorganizadora de la Conferencia Internacional de Software Llibre 2008 xuntu cola Xunta d'Andalucía, foi unu de los principales sofitos de CENATIC dende la so creación en noviembre de 2006.
El papel d'esta Fundación Pública Estatal creada pol Ministeriu d'Industria, Turismu y Comerciu ye'l de promover acciones a escala nacional asina como fomentar l'intercambiu d'esperiencies y bones práctiques en materia de software llibre. Amuesa d'ello, va ser la so participación na Conferencia Internacional de Software Llibre 2008 como entidá collaboradora "Platino".
Fonte: Open Source World Conference
Artículos rellacionados
- UNAMI y Xunta d'Estremadura roblen un alcuerdu de collaboración pa l'alfabetización tecnolóxica ente persones autónomes
- La FSF recibe 10.000 dólares pa impulsar la so llista de máximes prioridaes
- Stallman califica la tecnoloxía 'cloud computing' de trampa pa les persones usuaries
- OpenSuse reparte DVDs promocionales al estilu 'shipit' d'Ubuntu
- Tim O'Reilly va abrir la Conferencia Internacional de Software Llibre de Málaga
