UNAMI y Xunta d'Estremadura roblen un alcuerdu de collaboración pa l'alfabetización tecnolóxica ente persones autónomes

El presidente de la Unión de Autónomos y Microempresas, UNAMI, Fernando González Barroso, entidá perteneciente a la Confederación Nacional de Autónomos y Microempresas (CONAE), y técnicos/ques del Plan de Alfabetización Tecnológica y Software Libre, pertenecientes a la Dirección General de Telecomunicaciones y Sociedad de la Información de la Consejería de Economía, Comercio e Innovación de la Xunta d'Estremadura, roblaron un alcuerdu de collaboración pente medies del cual dambes entidaes comprométense a fomentar y averar el software llibre, y en particular LINEX, ente l'empresariáu autónomu d'Estremadura, col fin de formar a esti colectivu profesional nel usu de les nueves tecnoloxíes por que puedan aplicales y beneficiase d'elles nes sos empreses.

En virtú d'esti alcuerdu, UNAMI va realizar un cuestionariu de valoración de les conocencies en software llibre de los sos asociaos, estableciendo un porcentaxe del 30 por cientu del total de les sos empreses acomuñaes a lo menos, pa llograr una amuesa significativa y real de la implantación de les nueves tecnoloxíes nes microempresas y en particular del software llibre.

L'alcuerdu tamién inclúi la posibilidá de realizar xornaes onde los mesmos técnicos de l'alministración visitaren les localidaes onde la Unión de Autónomos y Microempresas tien presencia, pa esplicar, sofitar ya incentivar la implementación de LINEX na microempresa d'Estremadura, onde'l colectivu de persones autónomes supon más del 20 por cientu de la población ocupada, constituyendo un factor básicu nel desenvolvimientu económicu estremeñu.

Fonte: Open Source World Conference